PVCa kantxaratu da: kirol handien balioak eta talde-lana ahalbidetzen duen oinarria
PVCren aldakortasunak, erresistentziak eta ekoizteko erraztasunak ezinbesteko aukera bilakatu dute kirol-kantxak eta -barrutiak fabrikatzeko. Testuinguru horretan, PVCa material soili bat baino gehiago da; kirol-epiken eszenatokia izateaz gain, garaipen bakoitzean aliatu bat da; gainditzearen, talde-lanaren eta amets bat lortzeko borrokaren ikurra.
Polinibil kloruroak (PVC) kirolaren eraldaketan eta bilakaeran nabarmen lagundu du azken hamarkadetan. Baina sektore gehiagotan ere erabiltzen da polimero termoplastiko hau; esate baterako, eraikuntzan, energian, automobilean, osasunean edo elektronikan, besteak beste, propietate fisiko eta kimiko bikainak izateagatik.
PVC erretxina plastiko mota bat da, eta binil kloruroaren polimerizazio bidez lortzen da, kloroa (elektrolisiaren bidez lortua) eta etilenoa konbinatuta. Material plastiko komun bakarra da, eta %50 naturan oso eskuragarri dagoen jatorri mineraleko lehengai baten bidez osatzen da: gatza.
Izan ere, %57 gatz-disoluzioa da eta %43 etileno-soluzioa, gordina fintzetik datorrena. Munduko plastiko guztietatik erregai fosil gutxien kontsumitzen duena da (erauzitako petrolioaren %0,6).
PVC kirolean
PVCa kirol-kantxak fabrikatzeko ere aplikatzen da. Geruza anitzeko sistemak erretxina sintetikoz eginda erabiltzearekin, kalitate handiko kirol-zoladurak diseinatu ahal izan dira. PVCa azalera uniformeak, erresistenteak eta erosoak sortzeko erabiltzen da, kirol-diziplina anitz praktikatzeko.
PVCa jokalari aktiboa da saskibaloi, boleibol, badminton, tenis, areto-futbol, squash, eskubaloi edo patinen gaineko hockeyko kantxetan, beste diziplina batzuen artean. Oro har, erretxina plastikoek iraunkortasuna, itsaspena, mantentze-kostu txikia eta nolabaiteko amortiguazioa eskaintzen dute, eta horrek muskulu-zamak arintzen ditu, kirolarien mugikortasuna erraztearekin batera.
Bestalde, PVCa eta beste polimero batzuk kirol-osagarri askoren oinarria dira, eta objektu malguago, arinago edo erresistenteago egiten dituzte: baloiak, pilotak, stick-ak, babesak edo arropa eta oinetako espezializatuak. Kirol-elementu horietako batzuekin urrunago, gorago eta azkarrago iritsi ahal izan gara.
Hona hemen PVCaren ezaugarri eta kirol-erabilera nagusiak:
KEM ONE
Kalitate handieneko PVCa eskaintzen duten zentro industrialetako bat Hernanin aurkitzen da: KEM ONE, oinarrizko sektore askotan ezinbestekoa den material hori ekoizten enpresa liderra, eraikuntzatik hasi eta elikagaien industria eta osasuneraino.
PVCa kirol-munduan material moldakorra eta erabilgarria denez, produktu horiek ere aurkitzen dira esparru horretan. Esate baterako, RIO 2016ko kantxak KEM ONE enpresako emultsioko PVCarekin eraiki ziren. Zehazki, erretxina horiek aplikatu ziren kirol-pisten azaleko geruzan.
PVCaren beste abantaila handi bat da material iraunkorra izan daitekeela, behar bezala ekoizten eta erabiltzen bada eta modu arduratsuan kentzea kudeatzen bada. Ildo horretan, PVCa %100 birziklagarria da, eta egunetik egunera gehiago aurreratzen da ekoizpen eraginkorrago eta iraunkorrago batera.
Adibidez, KEM ONE enpresak “VinylPlus” programan parte hartzen du; hau da, PVCaren sektorerako Europako iraunkortasun-ekimenean. Halaber, ekoizpen-prozesuetan energia-eraginkortasuna hobetzeko eta karbono-aztarna murrizteko neurriak hartu ditu.
Azken finean, duen moldakortasunari esker, PVCa benetako txapelduna izatera iritsi da. Material hori ezin da ordezkatu sektore askotan, bere iraunkortasun eta erresistentziagatik nahiz iraunkortasunera egiten duen ekarpenarengatik.
